265
Судьялар олий кенгаши «Жўраевлар иши»да томонларни турли хил баёнот беришдан тийилишга чақирди
Судьялар олий кенгаши Фуқаролик ишлари бўйича Учтепа туманлараро судида даъвогар Б. Қодировнинг Жўраевларга нисбатан «оталик фактини белгилаш»га оид фуқаролик низоси кўриб чиқилаётгани фонида томонларни турли хил баёнотлар билан чиқишдан ҳамда интервьюлар беришдан тийилишга чақирди.
Шунингдек, фуқаролик низоси таниқли шахслар ўртасида кечаётгани ҳамда ҳозирда марҳум бўлган машҳур инсон ҳаёти билан боғлиқлиги боис воқеалар ривожи жамоатчилик томонидан катта эътибор билан кузатилаётгани, шунингдек, бу борадаги низо судлашиш жараёнида эканлиги сабабидан тарафлар (ёки уларнинг вакиллари) томонидан оммавий ахборот воситалари ва ижтимоий тармоқлардаги чиқишлари кенг муҳокамаларга сабаб бўлаётгани таъкидланади.
«Тармоқлардаги муҳокамаларда ҳали якунига етмаган иш бўйича турли башоратларга берилишлар, суддан аввал «қарор чиқариб қўйиш» ҳолатлари мавжуд. Энг ёмони, низо судда холис ва беғараз кўрилишига асоссиз шубҳалар ҳам билдирилмоқда. Буларнинг ҳаммаси судга нисбатан ижтимоий босим пайдо қилаётганига таъкид шарт эмас.
Судьялар олий кенгаши матбуот хизмати, мавжуд вазиятдан келиб чиқиб, иш бўйича тарафларни турли шакл ва кўринишда баёнот беришдан тийилишга, журналист ва блогерларни эса шахсга оид маълумотлар ҳамда суд ишига доир ахборотларни тарқатишдек нозик ва ҳассос масалага масъулият билан ёндошишга чақиради», – дейилади Судьялар олий кенгаши матбуот хизмати муносабатида. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина ҳарбий бўлинмалари Харкив вилоятидаги янги позицияларга ўтказилди
Россия кучлари Белгород вилояти яқинида Украина армиясининг яширин позицияларини йўқ қилди
Эрдўғон давлат тўнтариши эҳтимоли сабабли тунда фавқулодда йиғилиш ўтказди
D витамини дозасини ошириб юборишнинг хавфли оқибатлари
Колумбия президенти Нетаньяхуни ҳибсга олишга чақирди
Сурхондарё вилоятида айиқ ИИБ ходимига жароҳат етказди
Пентагон майори АҚШ Исроилни қўллаб-қувватлагани учун истеъфога чиқди
Гўзаллик қимматга тушмасин...