256
Тошкентдаги иссиқлик таъминоти оператори дарахт тагида қолиб кетган қизалоқ юзасидан муносабат билдирди
Кеча, 5 май куни Тошкент шаҳри Чилонзор туманида 1 ёшли қиз дарахт қулаши оқибатида тагида қолиб вафот этган эди.
Ҳолат юзасидан Жиноят кодексининг 186-моддаси 3-қисми (Хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилди.
Текширишда сув қувурларини таъмирлаш ишларини амалга ошираётган ишчилар хавфсизлик чораларига риоя қилмасдан, махсус техника ёрдамида қазиш ишларини олиб боришлари оқибатида бир туп дараҳтнинг илдизи очилганлиги ва ўз вазнини кўтара олмай йиқилганлиги аниқланган.
Ўз навбатида, воқеа содир бўлган ҳудудда таъмирлаш ишларини олиб борган Veolia Energy Tashkent компанияси ҳалок бўлган қизнинг оила аъзоларига ҳамдардлик билдирган ва «мазкур оилага ҳар қандай ёрдамни тақдим этишга тайёрлиги»ни билдирган.
«Бу фожиали йўқотиш ва ҳеч бир сўз билан ифода этиб бўлмас мусибат эканлигини англаймиз. Қизалоқ оиласига чуқур таъзиямизни билдирамиз.
Айни дамда компаниямиз кенг қамровли текширув ишларини олиб бормоқда ва масъул шахсларга нисбатан чоралар кўради, шунингдек, иш жараёнларига, шу жумладан таъмирлаш ишларига ўзгартиришлар киритади», – дейилади компания муносабатида.
Қайд этилишича, компания, эндиликда дарахтлар ва бошқа кўп қаватли обектлар яқинида иш олиб борилганда, амалдаги меъёрларда назарда тутилганидан каттароқ майдонни тўсиб қўйиш ҳамда хавфли зонанинг периметри атрофида одамларнинг киришини чеклаш учун ишчи ходимларни жойлаштириш чораларини кўради.
«Бундан ташқари, агар ишлар потенциал хавфли объектлар (қуруқ дарахтлар, эскирган иншоотлар ва бошқалар) яқинида амалга оширилса, тайёргарлик тадбирларини ўтказиш учун махсус хизматлар жалб қилинади (қуруқ дарахтларнинг шохларини кесиш, беқарор иншоотларни демонтаж қилиш, ва бошқалар)», – дейилади расмий муносабатда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Шимолий Корея янги кўрсаткичларга эга баллистик ракетани синовдан ўтказди
“Рома” Шомуродов учун яна 8 миллион евро харажат қилади!
Ўзбекистонликлар доимий яшаш учун кўпроқ қайси давлатларга кўчиб кетмоқда?
D витамини дозасини ошириб юборишнинг хавфли оқибатлари
“Умра” зиёратига бориб келиш тартиби такомиллаштирилади
Пневматик қуролларни ўз ихтиёри билан топширганлар жавобгарликдан озод этилади
Жиззахда учта юк машинаси иштирокида ЙТҲ содир бўлди