Россия ИИВ полковнигининг уйидан саккиз млрд рубль мусодара қилинди

Россия терговчилари, мамлакат ИИВ "Т" бошқармаси раҳбари ўринбосари Дмитрий Захарченконинг уйида тинтув ўтказишганда, унинг уйидан 8 млрд рублга тенг хорижий валюта мусодара қилинган, деб хабар қилмоқда "Кун" нашри РИА Новостининг ҳуқуқ идораларидаги манбасига таяниб берган маълумотига иқтибос келтирган ҳолда.

"Полковник Захарченконинг уйидаги тинтув ҳозиргина якунланди. Дастлабки ҳисоб-китобларга кўра, ундан йирик миқдорда долларлар олинган. Хорижий валюта қиймати 8 миллиард рублга яқин", — деган манба агентлик билан суҳбатда.

"Маблағнинг якуний миқдори маълум эмас. Ҳозирча фақат уйдаги нақд пул мусодара қилинди. Бу йўналишда иш олиб борилаяпти", — деб қайд этган манба.

Россия ИИВ коррупцияга қарши кураш раҳбари ўринбосари Захарченко йирик миқдорда пора олаётган вақтда қўлга олинган эди. «Замин»ни Telegram’да ўқинг!