Автоҳалокат натижасида етказилган моддий ва маънавий зарар тўлаб берилди

Мажбурий ижро бюроси Булоқбоши туман бўлими иш юритувига жиноят ишлари бўйича Андижон шаҳар судининг ижро варақаларига асосан даъвогар Р.С. фойдасига жавобгар Ж.У.дан йўл транспорт ҳодисаси натижасида етказилган зарар, яъни 14 920 556 сўм моддий зарар ҳамда 5 000 000 сўм маънавий зарар пулларини ундириш белгиланган.

Ижро ҳаракатлари давомида жавобгар қарздорликни тўлаши юзасидан огоҳлантирилган ва унга нисбатан Ўзбекистон Республикаси ҳудудидан четга чиқиш ҳуқуқлари вақтинча чекланган.

Бироқ, етказилган зарар пуллари тўланмагач, қарздорга тегишли “NEXIA 2”автомашинаси хатлаб қўйилди.

Машинаси жарима майдонига қўйилган қарздор ҳам моддий ҳам маънавий зарар пулларини тўлиқ тўлаб юборди. «Замин»ни Telegram’да ўқинг!