Тошкентда 2,6 млрд сўмлик газдан ноқонуний фойдаланган шахслар ушланди

^{Фото: Бош прокуратура матбуот хизмати}
Автомобилларга газ тўлдириш компрессор шохобчаларида энергия ресурсларини талон-торож қилинишини фош этишга қаратилган назорат тадбирлари давом этмоқда. Бу ҳақда Бош прокуратура матбуот хизмати хабар берди.

Маълум қилинишича, Тошкент шаҳри, Учтепа туманидаги “П.А.Г.” МЧЖ раҳбари А.Т. ва бошқалар жамиятга қарашли АГТКШда ўрнатилган ҳисобга олиш ускунасининг қурилмаларига ташқи таъсир кўрсатиб, 2,6 млрд сўмлик 1,4 млн куб метр табиий газни талон-торож қилган.

Мазкур ҳолат юзасидан “П.А.Г.” МЧЖ мансабдор шахслари ва бошқаларга нисбатан ЖКнинг 169-моддаси (ўғрилик), 4-қисми “а” банди билан жиноят иши қўзғатилиб, гумонланувчи шахслар процессуал тартибда ушланган. “Замин” янгиликларини “Facebook”да кузатиб боринг