Фото: Instagram / Шаҳноза Мирзиёева
Диёра Келдиёрова Ижтимоий ҳимоя миллий агентлигининг гендер тенгсизлиги ва болаларга нисбатан зўравонликка қарши курашиш бўйича махсус вакили этиб тайинланди. Бу ҳақда агентлик директори биринчи ўринбосари Шаҳноза Мирзиёева маълум қилди.
“Бугун биз Диёра Келдиёровани Ижтимоий ҳимоя миллий агентлигининг Гендер тенгсизлиги ва болаларга нисбатан зўравонликка қарши курашиш бўйича махсус вакили этиб тайинлаш орқали Ўзбекистон тарихида янги саҳифа очдик. Бу қарор қоғоздаги гап эмас, балки жамиятимиздаги чуқур ижобий ўзгаришлар рамзидир”, деб ёзди у Instagram’даги саҳифасида.
Фото: Instagram / Шаҳноза Мирзиёева
Фото: Instagram / Шаҳноза Мирзиёева
Унинг таъкидлашича, Диёранинг олимпиададаги ғалабаси илғор ўзгаришлар учун катализатор бўлиб, бутун дунёга Ўзбекистоннинг тенг имкониятлар ва ҳадсиз салоҳиятлар мамлакати эканини намойиш этади. Диёра дзюдо бўйича Марказий Осиё минтақасидаги илк Олимпия чемпиони сифатида ўз номини тарих саҳифасига ёзиб улгурди ва энди у бутун бир авлодни ортидан эргаштира олади.
Фото: Instagram / Шаҳноза Мирзиёева
“Диёра замонавий ўзбек аёлининг серқирралиги — меҳрибон қиз, содиқ рафиқа, ҳурматга муносиб келин, шу билан бирга, мамлакатимизни жаҳон аренасида муваффақиятли намоён этаётган Олимпиада чемпиони тимсоли. Унинг махсус вакил сифатидаги янги вазифаси Ўзбекистондаги барча аёллар учун анъанавий оилавий қадриятларни сақлаган ҳолда исталган соҳада чўққига чиқиши мумкинлигига ўзига хос чорлов бўла олди”, дейди Ижтимоий ҳимоя миллий агентлиги директори биринчи ўринбосари.
Шаҳноза Мирзиёева Диёранинг фаолияти мамлакатда гендер тенглигига эришишни тезлаштиришига, шунингдек, Ўзбекистоннинг халқаро майдондаги илғор давлат сифатидаги мавқеини мустаҳкамлашига ва бутун дунё аёлларини руҳлантиришига ишонч билдирди.
28 июль куни дзюдо бўйича Ўзбекистон терма жамоаси аъзоси Диёра Келдиёрова -52 кг вазн тоифасида Париж Олимпиадасида ғолибликни қўлга киритганди. Диёра ўзбекистонлик дзюдочилар орасида биринчи бўлиб Олимпиада ғолибига айланди.
Шаҳноза Мирзиёева у билан учрашиб, Ижтимоий ҳимоя миллий агентлиги билан ҳамкорликда бир қанча лойиҳаларни амалга оширишни таклиф қилганди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Суперлига. "Сўғдиёна" сафарда "Нефтчи"ни йирик ҳисобда мағлуб этди
Сергей Лушчан "Навбаҳор"нинг кечаги дуранг ўйинидан сўнг матбуот анжуманида нималар деди?
Танқидлардан "кучли учлик"гача ёхуд Бошкович қандай қилиб "бўрилар"ни уйғота олди?
КХДР ТИВ: Украинанинг Курскга ҳужуми Зеленский режимининг мағлубияти билан якунланади
Президент бизнес учун тўсиқларни қисқартириш борасида таклифлар берди
Россия Мудофаа вазирлиги «Белгород», «Брянск» ва «Курск» қўшин гуруҳларини ташкил этди
Сомон йўлида Ердан 27 минг марта катта номаълум объект аниқланди
Уруш бошланганидан буён Россияда реал инфляция 70 фоиздан ошди
