Европа Иттифоқининг Тошкентдаги янги элчиси Тойво Клаар ўзбекистонликларни кўпроқ велосипед ва жамоат транспортидан фойдаланишга ундади.
16-22 сентябрь кунлари давом этадиган Европа ҳаракатланиш ҳафталиги муносабати билан тайёрланган видеолавҳада дипломат пиёда юриш ва жамоат транспортидан фойдаланишни маъқул кўришини таъкидлайди. Элчига кўра, ҳар бир инсон ўзгаришларни ўзидан бошлаши, ғояларни нафақат илгари суриш, балки уларга амал қилиши ҳам керак.
Пиёда юриш, велосипед ва жамоат транспортидан фойдаланиш атроф-муҳит тозалигини сақлаш, ресурсларни тежашга хизмат қилиши, айни чоқда, бу соғлом турмуш белгиси экани таъкидланган.
Маълумот ўрнида, Европа ҳаракатланиш ҳафталиги ЕИ томонидан Халқаро жамоат транспорти иттифоқи билан ҳамкорликда ташкил этиб келинади. Ҳафталикдан кўзланган мақсад ҳам инсонлар саломатлигини сақлаш, ҳам атроф-муҳит тозалигини муҳофаза этишдан иборат. Пиёда, велосипедда ёки жамоат транспортида ҳаракатланишни кенг тарғиб этиш орқали транспорт воситаларидан чиқадиган зарарли газлар миқдорини камайтириш, экологияни муҳофаза қилиш, соғлом турмуш тарзини тарғиб этиш ҳамда энергия манбаларини тежаш кўзда тутилган. Бу йил ҳафталикка дунёнинг 45 давлатидаги 2500 га яқин шаҳар қўшилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хитой қитъалараро баллистик ракетани илк бор оммавий синовдан ўтказди
Швеция Эронни Қуръон ёқиб юборилгани учун қасос олганликда айбламоқда
Ўзбекистон Туркманистон ва Туркия билан мудофаа соҳасида ҳамкорлик қилади
Оятуллоҳ Хоманаий: “Йўқотишларга қарамай, “Ҳизбуллоҳ” кучли бўлиб қолади”
Ҳиндистон БМТни ислоҳ қилишга чақирди
“Ўзбекистон гўзали”: “Унинг шартига кўнсам, Lamborghini олиб беришини айтган”
Трамп Эрон томонидан ўлим таҳдиди ҳақида огоҳлантирилди
Кунига нечта олма ейиш мумкин? Оммабоп меванинг зарарли хусусиятлари
