Сунъий йўлдош тасвирлари
30 сентябр куни Тошкент давлат аграр университети ҳудудида содир бўлган йирик ёнғиндан бир нечта бино жиддий талафот кўрди: 2 та бино ёниб кетди, яна иккитасига шикаст етди.
Гувоҳларнинг сўзлари ва мавжуд тасвирлар ёнғин қуёш панеллари ўрнатилган томда бошланганига ишора қилмоқда.
Томида қуёш панеллари ўрнатилган 5 қаватли бинода Ўрмон хўжалиги агентлиги жойлашган. Унга туташ бинолар эса Аграр университетнинг ўқув бинолари ва ётоқхонаси ҳисобланади.
Ўрмон хўжалиги агентлиги 2023 йилнинг феврал ойи охирида агентлик биноси томига 40 kWh қувватга эга қуёш панеллари ўрнатиш учун танлов эълон қилган. 440 млн сўмлик бошланғич сумма билан эълон қилинган танловда 380 млн сўмлик таклиф билан “Smart Solutions system” МЧЖ ғолиб бўлган.
Агентлик ва “Smart Solutions system” МЧЖ ўртасида 2023 йил 3 март куни қуёш панеллари ўрнатиш бўйича шартнома имзоланган. Унда агентлик биноси томига 40 kWh қувватга эга қуёш панеллари ўрнатиш кўзда тутилган.
Шартномада кўрсатилишича, пудратчи монтаж ишлари учун 5 йил кафолат берган.
Очиқ манбаларга кўра, 2019 йил декабрида давлат рўйхатидан ўтказилган “Smart Solutions System” МЧЖ ўлчаш, назорат, синаш ва навигация учун асбоб-ускуналар ишлаб чиқариш фаолияти билан шуғулланади. МЧЖ 2023 йилда қуёш панеллари ўрнатиш билан боғлиқ ўндан ортиқ тендерларда ғолиб бўлган.
Агентлик матбуот хизмати раҳбари Юлдуз Орипованинг ижтимоий тармоқда ёзишича, ёнғин уюштирилган. У кейинроқ ўчириб юборилган постида ҳолатни ёритиш учун борган журналистларни “бир тийинга қиммат мухбирчалар” деб атаган.
Орипова Kun.uz билан суҳбатда ёнғиннинг уюштирилган экани унинг шахсий тахмини бўлгани, постни ҳиссиётга берилган ҳолда ёзганини маълум қилди.
Шунингдек, у ёнғин агентлик биноси томидаги қуёш панелларидан келиб чиққан бўлиши мумкинлиги ҳақидаги тахминни рад этди.
“Бу мантиққа ҳам тўғри келмайди. Негаки, ёнғинда бизнинг биномиз кўп зарарланмади. Қўшни бинодан ўтгани учун 4-қават ва томимизга зарар етган. Агар ёнғин қуёш панелларидан келиб чиққанида, аввало бизнинг биномиз кул бўларди. Ёнғин ўчоғи бизнинг бинода бўлмаган.
Ҳозирда махсус штаб тузилиб, ёнғин сабаблари ўрганиб чиқилмоқда. Унинг сабаблари терговда аниқланади. Бу тегишли мутахассисларнинг иши. Энг муҳими, ҳеч кимга жароҳат етмади”, деди Юлдуз Орипова.
Албатта, ёнғиннинг қуёш панелларидан келиб чиққани ҳозирча эҳтимолий сабаблардан бири. Унинг аниқ сабаблари ва етказилган зарар миқдори мутахассислар ўрганишлари асосида аниқланади Бунинг учун мутахассислар гуруҳи воқеа жойида иш олиб бормоқда.
Маълумот учун ёнғин юзасидан Жиноят кодексининг 259-моддаси 2-қисми (Ёнғин хавфсизлиги қоидаларини бузиш) билан жиноят иши қўзғатилиб, тергов ишлари бошланган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Тошкент вилоятида салкам 7 кило оғирликдаги чақалоқ туғилди
