Фото: Тошкент шаҳар ИИББ ахборот хизмати
Тошкент шаҳрида иккита Damas’ни олиб қочган фуқароларга 7 йилга озодликдан маҳрум қилиш жазоси тайинланди. Бу ҳақда Тошкент шаҳар ИИББ ахборот хизмати хабар бермоқда.
Аниқланишича, 20 ёшли М.Б. ва Т.Б. Яшнобод туманида турган, бошқа шахсга тегишли бўлган Damas юкхонасининг эшиги очиқлигидан фойдаланиб, унинг ичига киришган.
"Отвёртка ёрдамида рул қисми пластмассасини ечиб, симларни улаш орқали ўт олдириб, олиб қочишга муваффақ бўлишган. Аммо Янгиҳаёт туманида ҳаракатланаётган вақтда машина ўчиб қолган. Уни ўт олдиролмай Янгиҳаёт туманидаги уйлар ёнида турган бошқа бир Damas’ни очиб, ҳайдаб кетишади", дейилади ИИББ ахборотида.
Улар йўл-патрул хизмати ходимлари томонидан тўхтатилиб, ички ишлар органларига олиб келинган. Аниқланишича, М.Б. аввал Жиноят кодексининг 169-модда (ўғирлик) билан судланган. Улар олдиндан тил бириктириб, транспорт воситасини олиб қочишни ва ўзлаштиришни режа қилгани маълум бўлган.
"Биз анчадан бери иш излаётгандик. Ўша куни иш қидириб Яшнобод туманини роса айландик, ёнимизда пулимиз қолмади. Пиёда юриб чарчадик. Тунги соат бирларга яқин вақт эди. Кўчада транспорт воситалари тўхтамади. Уйга етиб олайлик деб автотураргоҳда турган Damas автомашинасини миниб кетдик. Эртаси куни уни олиб келиб бермоқчи эдик. Аммо йўлда у ўчиб қолди. Ўша жойда қолдириб кетдик", дейди ўғрилардан бири ўз кўрсатмасида.
Уларни тергов қилган майор Бахтиёр Абдухалиловнинг айтишича, йигитлар гапни бир жойга қўйиб, келишган ҳолда юқоридаги баҳонага таяниб туриб олишган.
"Гўёки бу уйдирмаси айбларини ювиш учун дастак бўладигандек. Жиноят кодексида “тунда уйга етиб олиш” мақсадида ўзганинг транспорт воситасини олиб қочиш учун жазо йўқ, дейилмаган. Дастлабки тергов жараёнида ҳар бири ўзини жазодан асраб қолиш учун айбни бир-бирларига ағдара бошлашди", дейди Яшнобод тумани ИИО ФМБ ҳузуридаги тергов бўлими бўлинма бошлиғи.
Иш жиноят ишлари бўйича Яшнобод туман суди очиқ суд мажлисида кўриб чиқилиб, М.Б. ва Т.Б.ни Жиноят кодексининг 267-моддаси (транспорт воситасини олиб қочиш) билан айбли деб топган. Мазкур кодекснинг 57-моддасини қўллаган ҳолда ҳар иккисига 7 йилга озодликдан маҳрум қилиш жазоси тайинланган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Ҳизбуллоҳ» Исроилга 320 та ракета ва снарядлар учирди
DeepState: РФ ҳарбийлари асирга олинган 9 украиналикни отиб ташлади
Тадқиқот: қаҳва инсулт хавфини оширади, чой эса камайтиради
Садир Жапаров: “Ғарб Россия билан ҳамкорлик мавзусида кўрсатма бермаслиги керак”
АҚШдаги ядровий объектлар ва авиабазалар устидан сирли дронлар учиб ўтишни бошлади
Шифокор саратон хавфини келтириб чиқарадиган нонуштадан огоҳлантирди
Путин Думага КХДР билан ҳарбий ҳамкорлик тўғрисидаги қонун лойиҳасини киритди
Владо Радманович: "Катанец ноябрь ойида терма жамоани ўзи бошқаради" (матбуот анжумани)
