Янги Ўзбекистон кўчасида Cobalt йўл четидаги темир устунга бориб урилди

^{Фото: ИИББ ЙҲХБ ахборот хизмати}
Жорий йилнинг 6 декабр куни соат 21:30 ларда Яшнобод тумани Янги Ўзбекистон кўчасида йўл-транспорт ҳодисаси юз берди.

Тошкент шаҳар ИИББ ЙҲХБ хабарига кўра, 2005 йилда туғилган ҳайдовчи К.К. Cobalt русумли автомашинасини бошқариб кетаётиб, рул бошқарувини йўқотиб, йўл четидаги темир устунга тўқнашиши оқибатида йўл-транспорт ҳодисаси содир бўлган.

ЙТҲ натижасида тан жароҳат олганлар ҳақида хабар келиб тушмаган.

Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда. «Замин»ни Telegram’да ўқинг!