2025 йил 1 январдан бошлаб Тошкент шаҳри жамоат транспортида йўлкира ҳақини электрон шаклда тўлашни рағбатлантирувчи тарифлар жорий этилади. Бу ҳақда шаҳар ҳокими Шавкат Умрзоқовнинг қарори қабул қилинди.
Қарорга кўра, 1 январдан эътиборан пойтахт автобус ва метрополитенида нақд шаклдаги тўловлар учун йўлкира ҳақи 3000 сўм деб белгиланади (амалда 2000 сўм).
Транспорт картаси, банк карталари ҳамда мобил иловалар орқали тўлов қилинганда йўлкира 1700 сўм миқдорида ўзгаришсиз қолади.
Транспорт карталаридан фойдаланилган ҳолда бир соат ичида бир йўналишли йўловчи транспортидан бошқасига ўтиш сонидан келиб чиқувчи имтиёзли ва бепул тарифлар ҳам ўзгаришсиз қолади.
1 январдан, шунингдек, Тошкент шаҳри йўналишларидаги барча автобуслар салонида йўлкира ҳақини нақд пулда олиш амалиётидан воз кечилади. Автобуслар салонида йўлкирани фақат электрон тарзда тўлаш мумкин бўлади.
Автобус йўлкираси учун нақд шаклда тўлов қилишни истаганлар шаҳардаги бекатларда ва уларнинг яқинида ўрнатилган тўлов қурилмалари (Paynet, MultiPay ва Oson инфокиосклари) орқали бир марталик чипта харид қилиши лозим бўлади.
Шаҳар ҳокимининг қарори билан, шунингдек, автобус йўналишларида электрон тўловларни амалга оширишда қатновлар сонидан келиб чиққан ҳолдаги кўп марталик тариф режалари ҳам тасдиқланди:
“Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эртага Муроджон Аҳмадалиев профессионал боксдаги навбатдаги жангини ўтказади
Сурияда исёнчилар Башар Асаднинг отаси қабрини вайрон қилди
Абдуқодир Ҳусановнинг трансфер баҳоси Роналдуники билан тенглашди, навбат Мессига(ми?)
Хорижлик мутахассислар учун 2024 йилдаги энг яхши шаҳарлар рейтинги эълон қилинди
Конституциявий суд: Қурувчи ташкилотлар фаолияти устидан назоратни кучайтириш зарур
Қарши давлат техника университети ташкил этилади
Ўзбекистонда доллар расмий курси яна ошди
Рўзиқул Бердиев: "Кейинги мавсумда чемпионликни ҳимоя қилишимиз керак бўлади"
