Фарғонадаги автомобилларга ёнилғи қуйиш шохобчасида ёнғин юз берди

^{Фото: Видеолардан кадр}
Фарғона шаҳридаги автомобилга ёнилғи қуйиш шохобчасида 17 декабрь куни ёнғин содир бўлди. Ҳолат акс этган видеолар ижтимоий тармоқларда тарқалди.

Фарғона вилояти Фавқулодда вазиятлар бошқармаси муносабат билан чиқиб, содир бўлган ёнғин қуршаб олиниб, уни ўчириш ишлари амалга оширилаётганини, ваҳимага ўрин йўқлиги, вазият назорат остида эканини билдирди.

Ижтимоий тармоқларда тарқалган видеолардан воқеа жойида портлаш содир бўлганини кўриш мумкин. Тасвирлардан яна бирида заправка атрофида тутун чиқаётганини, сўнг бир неча сонияда бутун чорраҳани олов қоплаб олгани акс этган. Ҳодиса сабаб бир неча автомобилларга зарар етгани, уларнинг бирида бўлган одам ҳам ёниб кетгани айтилмоқда.


^{Фото: Фарғона вилояти ФВБ}
Соат 15:26 да ФВБ содир бўлган ёнғин ўчирилгани эълон қилинди. Ҳодиса сабаби, жабрланганлар ҳақида маълумот берилмади.

Бахтсиз ҳодисалардан қандай ҳимояланиш мумкин?

Бахтсиз ҳодисалардан тўлиқ ҳимояланиш мумкин эмас, лекин хавфни камайтириш ва ўз хавфсизлигингизни ошириш жуда муҳим.

Бунинг учун қуйидаги чораларни кўринг:

Биринчи ўринда — суғурта полиси олинг. Бу молиявий хавфдан ҳимояланишнинг самарали усулидир. Уй, машина ва соғлиқ учун суғурта орқали бахтсиз ҳодисаларнинг иқтисодий зарарини енгиллатиш мумкин. Суғурта компаниясига оид ахборотлар бу ерда.

Огоҳ бўлинг: Қаерда бўлсангиз ҳам атрофингиздаги вазиятни кузатинг. Бахтсиз ҳодисалар кўпинча бефарқлик ёки эътиборсизлик сабабли содир бўлади.

Билим ва кўникмаларни оширинг

Биринчи ёрдам кўрсатиш бўйича билимларни эгалланг, ёнғинга қарши курашиш қоидалари ва бошқа хавфсизлик бўйича қўлланмаларни ўқинг. Уйда хавфсизликни максимал таъминланг — тутун датчиклари ва ўт ўчиргичларга ҳозирланг.

Носоз электр симлари ва қурилмалардан сақланинг. Атрофни кузатинг: пиёда бўлсангиз, фақатгина телефонга эмас, балки атрофга ҳам қараб юришга ҳаракат қилинг. Йўл ҳаракати қоидаларига риоя қилинг. “Замин” янгиликларини “Telegram”да кузатиб боринг