Фото: Видеодан кадр
Тошкентда 18 декабрь куни Mercedes-Benz йўловчи автобусида ёнғин содир бўлди. Ҳолат акс этган видео ижтимоий тармоқларда тарқалди.
Пойтахт ФВБ матбуот хизматининг маълум қилишича, Амир Темур шоҳ кўчасида ёнғин содир бўлгани ҳақида хабар соат 21:07 да келиб тушган. Воқеа жойига икки ўт ўчириш ва қутқарув бригадаси юборилган. Улар соат 21:13 да етиб келган ва ёнғинни соат 21:23 да ўчирган. Ёнғин оқибатида тан жароҳати олган ва ҳалок бўлганлар йўқ.
“Тошшаҳартрансхизмат”нинг билдиришича, 169-сонли йўналишда ҳаракатланувчи ушбу автобус 2013 йилда ишлаб чиқарилган. Ҳайдовчи А.Н. бошқарувидаги автобус Юнусобод тумани Уч қаҳрамон пости яқинидаги айланма йўл олдидаги бекатда тўхтаган вақтда, автобуснинг электр кабелларининг қисқа туташуви натижасида ёнғин содир бўлган.
Ҳайдовчи автобус салонидаги йўловчиларни туширганидан сўнг, ёнғинни ўчириш учун бирламчи ўт ўчириш мосламаси орқали дастлабки чоралар кўришига қарамай, ёнғин алангага айланган. Шундан сўнг, воқеа жойига ФВВ Ёнғин қутқарув бўлинмаси тезкор гуруҳи чақирилиб, ёнғин қисқа вақтда бартараф этилган.
Фото: Тошкент шаҳар ЙҲХБ
Мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилиб, ёнғин юзага келишининг сабабларига аниқлик киритилмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия Курск вилояти ва Украина шарқида ҳужумларни кучайтирмоқда
Сурия исёнчилари етакчиси мурожаат билан чиқди
Исроилнинг қарийб 2 млн аҳолиси қашшоқликда кун кечирмоқда
Ал-Жулоний: “Сурия Афғонистон эмас ва бўлмайди ҳам”
Россия Исроилни Голан тепаликлари борасида огоҳлантирди
Дональд Трамп: “Президент Эрдўғон жуда ақлли, Асад эса шафқатсиз қассоб”
Трамп Зеленскийни уруш тугашига тайёрланишга чақирди
Хитой ва Ҳиндистон Ҳимолайдаги ярим асрлик ҳудудий низони ҳал қилмоқчи
