Янги Тошкент шаҳри учун Тошкент вилоятидан яна қўшимча ер ажратилди

^{Фото: Cross Works}
Тошкент вилояти ҳокими Зоир Мирзаевнинг Юқори Чирчиқ тумани ҳудудидан «Янги Тошкент шаҳри»ни барпо этиш дирекциясига ер майдони ажратиш тўғрисидаги қарори қабул қилинди.

Унга кўра, Юқори Чирчиқ туманидан 122,3 гектар ер майдони Янги Тошкент шаҳрини барпо этиш учун ажратилган.

Хусусан, Бордонкўл ҳудудидан 75,22 гектар, Дўстлик ҳудудидан эса 47,1 гектар ер майдонлари ажратилган.

Шу кунга қадар жами 220 гектардан ортиқ ер майдонлари «Янги Тошкент шаҳрини барпо этиш дирекцияси»га доимий фойдаланиш ҳуқуқи билан берилган.

Эслатиб ўтамиз, 2024 йилнинг октябрида Юқори Чирчиқ туманидан давлат захирасига қайтарилган ҳамда тоифаси ўзгартирилган 110,4 гектар ер майдони доимий фойдаланиш ҳуқуқи билан «Янги Тошкент шаҳрини барпо этиш дирекцияси»га ажратиб берилганди. “Замин” янгиликларини “Telegram”да кузатиб боринг