Маълумки, ҳаётда жиноий қилмишларни содир этилишига одатда, кимнингдир нафс қутқусига учиши, қонун талабларига беписанд муносабати ва ўзгалар ҳуқуқини ҳурмат қилмаслик каби иллатлар сабаб бўлади.
Куз-қиш мавсуми инсонлар учун иссиқлик, қулайлик ва оилавий муҳитни таъминлаш вақтидир. Бундай пайтларда кўмирга бўлган талаб ортиб, кўпчилик одамлар ўз хонадонларини иситиш учун уни сотиб олишади. Аммо, бу фаолиятдан фойда олишни мақсад қилган Хайдар ва Хамиднинг жиноий схемалари ҳақиқатда фақатгина молиявий манфаатларни кўзлашдан иборат эди.
Хайдар кўмир омбори мудири сифатида аҳолига имтиёзли нархларда кўмир етказиб бериш вазифасини бажариши керак эди. Бироқ у бу вазифасини суиистеъмол қилишга киришиб, ёрдамчиси Хамид билан бирлашиб жиноий “кўмир” бизнесини бошлади.
Лекин ота-боболаримиз айтганидек: "Қинғир ишнинг қийиғи қирқ йилда ҳам билинади". Уларнинг бизнеси узоққа чўзилмади.
Жиноят ишлари бўйича Риштон туман судининг қарорига асосан, Хайдардан жиноий жарима тўлаш бўйича ижро ҳужжати Бюронинг Марғилон шаҳар бўлими иш юритувига келиб тушди. Давлат ижрочисининг мажбурий ижро ҳаракатлари натижасида “кўмирчи” бизнесмендан 51 млн сўм жиноий жарима ундирилди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
