Тошкентлик ўқувчи қиз тиббиёт йўналишида 189 балл тўплади

Тошкентлик ўқувчи қиз тиббиёт йўналишида муддатидан аввал максимал 189 баллни қўлга киритди, деб Talimxabarlari.uz хабар берди.

Тошкент вилояти, Олмалиқ шаҳридаги 10-умумий ўрта таълим мактаби 11-синф ўқувчиси Баймакова Мадина тиббиёт йўналишида муддатидан аввал максимал 189 балл тўплашга муваффақ бўлди.

У миллий сертификат имтиҳонларида қуйидаги натижаларни қайд этди:

Биология — A
Кимё — A
Математика — B
Тарих — C+
Она тили — B

Мадина 2024 йил 1 мартга қадар биология ва кимё фанларидан миллий сертификат олган. Амалдаги қоидага кўра, агар номзод ушбу фанлардан 86 ёки ундан юқори балл олса, у 100% натижа сифатида ҳисобланади. Шу боис, мазкур икки фан тиббиёт йўналиши учун максимал баҳоланган.

Мадина Баймакованинг бу натижаси унинг тайёргарлиги, меҳнати ва илмий салоҳиятининг самараси сифатида эътироф этилмоқда. “Замин” янгиликларини “Telegram”да кузатиб боринг