17 363
Фото: ИИББ
Ижтимоий тармоқларда Абдуллоҳ номи билан танилган тиктокер Валерий Югай қамоққа олинди. Бу ҳақда Тошкент вилояти ИИББ бошлиғи матбуот котиби Бобур Тўлаганов хабар берди.
Маълум бўлишича, у 2024 йилнинг октябр–ноябр ойларида Жанубий Кореяда бўлган вақтида ижтимоий тармоқдаги саҳифалари орқали миллатлараро низо келтириб чиқариши мумкин бўлган, миллий қадр-қимматни таҳқирловчи ҳамда диний эътиқодга кўра фуқароларни камситувчи сўзлар билан Ўзбекистон Республикаси фуқароларига нисбатан қатор ҳақоратли чиқишлар қилган.
Тиктокер жорий йилнинг 25 март куни Абу Даби-Самарқанд рейси орқали Ўзбекистонга келтирилиб, ҳуқуқ-тартибот органлари ходимлари томонидан процессуал тартибда ушланган.
Ҳолат юзасидан Жиноят кодексининг тегишли моддалари билан жиноят иши қўзғатилган. Унга нисбатан қамоққа олиш тарзидаги эҳтиёт чораси қўлланиб, ҳозирда тергов ҳаракатлари олиб борилмоқда.
11:17, 3-04-2025
