Гурбангули Бердимуҳамедов Самарқандда Ҳазрати Хизр мажмуасига ташриф буюрди

23 апрель куни президент Шавкат Мирзиёев ва туркман халқининг миллий етакчиси, Туркманистон Халқ маслаҳати раиси Гурбангули Бердимуҳамедов биргаликда Ҳазрати Хизр мажмуасига ташриф буюриб, Ислом Каримов хотирасига ҳурмат кўрсатдилар. Қабрга гуллар қўйилди. Қуръон тиловат қилинди.

Шунингдек, биргаликда «Silk Road Samarkand» халқаро туризм марказидаги «Боқий шаҳар» тарихий-этнографик боғи ҳудудида ташкил этилган маданий тадбирларда иштирок этдилар.

Олий мартабали меҳмон ўзбек халқининг бой маданий меросини акс эттирувчи кўргазмалар, ҳунармандчилик ва амалий санъат намуналари билан танишди. Рақс жамоаларининг чиқишларидан иборат маданий дастур намойиш этилди.
«Замин»ни Telegram’да ўқинг!