Ворислик ҳуқуқига даъво қилган фуқаро 57 млн. сўм тўлашига тўғри келди

Мажбурий ижро бюросининг Тошкент шаҳар Биринчи туманлараро бўлими давлат ижрочиси З.Байжанованинг иш юритувига ФИБ М.Улуғбек туманлараро судининг аризачи Й.Т.нинг жавобгар М.Қ.га нисбатан Ворислик ҳуқуқига келиб чиққан низолар тўғрисидаги аризасига асосан, қўзғатилган фуқаролик иши юзасидан берилган ижро варақаси бўйича Й.Т.дан 57 млн. 384 минг сўм давлат божи ундириш тўғрисидаги ижро ҳужжати келиб тушган.

Ижро иши бўйича қарздорликни ундириш чоралари давомида, фуқарога Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг тегишли моддалари билан белгиланган муддатда давлат ижрочисининг талабларини бажармаган тақдирда унга нисбатан мажбурий ижро ҳаракатлари амалга оширилиши тўғрисида огоҳлантирилган.

Олиб борилган мажбурий ижро ҳаракатлари натижасида, давлат фойдасига 57 млн. 384 минг сўм давлат божи тўлиқ ундирилиб, ижро ҳужжати Қонуннинг 41-моддаси 1-бандига асосан амалда тамомланган. «Замин»ни Telegram’да ўқинг!