Солиқ ва бошқа мажбурий тўловларнинг ўз вақтида тўланиши давлат бюджетининг тўлдирилиши ва иқтисодиётнинг барқарор ривожланиши учун муҳим аҳамиятга эга. Пахтакор туманида Мажбурий ижро бюроси томонидан солиқ қарздорлигини ундириш бўйича самарали ишлар олиб борилмоқда.
Фермер ҳўжалиги Жиззах вилояти Солиқ бошқармасининг қарорига асосан 113 миллион сўм солиқ қарзини тўламаган. Ушбу қарздорликни ундириш бўйича ижро варақаси Бюронинг Пахтакор тумани бўлимига келиб тушган.
Давлат ижрочилари томонидан зудлик билан қарздор фермернинг ҳисоб рақамларига банд солинди ва барча мол-мулкларига тақиқ қўйилди. Олиб борилган мажбурий ижро ҳаракатлари натижасида қарздордан 113 миллион сўмлик солиқ қарзи тўлиқ ундирилди.
Мажбурий ижро бюроси томонидан солиқ қарздорликларини ундириш бўйича ишлар давом эттирилмоқда. Бу каби чоралар солиқ интизомини мустаҳкамлаш ва давлат бюджетига тушумларни кўпайтиришга хизмат қилади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
