Фермер хўжалиги ер майдони солиқ қарзи эвазига аукцион савдосига чиқарилди

Ўзбекистон Республикаси Президентининг 2025-йил 28-мартдаги ПҚ-131-сонли қарорига мувофиқ сурункали равишда солиқ қарзини тўламай келган фермер хўжаликларига ер ижара ҳуқуқлари қайта кўриб чиқилиши юзасидан ўтказилган чора-тадбирлар ўз самарасини бермоқда.

Жумладан, Мажбурий ижро бюросининг Сирдарё туман бўлими томонидан, вилоят Солиқ бошқармаси қарорларига асосан қарздор “А.Д.” фермер хўжалигидан жами 94 млн. сўм солиқ қарзини ундириш тўғрисидаги ижро ҳужжатлари бўйича ижро ҳаракатлари олиб борилган.

Қарздорлик ихтиёрий равишда бартараф этилмаганлиги боис, мажбурий ижро ҳаракатларига киришилиб, қарздор фермер хўжалигининг қишлоқ хўжалигига мўлжалланган ер майдони хатланган ва аукцион савдосига чиқарилган.

Натижада, қарздордан 94 млн. сўм солиқ қарзи, шунингдек 1,9 млн. сўм ижро йиғими тўлиқ ундирилиб, ижро ҳужжатлари тамомланган.

Мазкур йўналишда ундирув тадбирлари давом этмоқда. «Замин»ни Telegram’да ўқинг!