Ўзбекистонда AI-80 русумли бензин нархи 2025 йил бошидан буён илк бор тарихий рекордни янгилади. 10 июль куни бир тоннасининг биржа нархи 10,19 миллион сўмга етди.
Бу — йил бошидан бери қайд этилган энг юқори кўрсаткич бўлиб, ҳукумат томонидан белгиланган чекловлар бекор қилиниши нархларнинг ошиб боришига туртки бўлгани қайд этилмоқда.
Ўзбекистон товар-хомашё биржаси тарқатган расмий маълумотларга кўра, AI-80 бензини нархи 4 июлдан бери узлуксиз ўсишда. Бунга 2024 йил июнида Рақобат қўмитаси томонидан ушбу бензин тури учун жорий этилган 5 фоизлик нарх ўсиши чегарасининг бекор қилиниши сабаб бўлди.
Айни қарордан сўнг сотув ҳажми пасайган:
- Июнь ойида 1805 тонна сотилган бўлса,
- Июль бошига келиб бу кўрсаткич 1650 тоннагача тушган — яъни 8,6 фоизга камайган.
10 июль куни AI-80 нархи яна 0,5 фоизга ўсиб, 10,19 млн сўмни ташкил этди. Бу билан бензин бир ой ичида 7,7 фоизга қимматлашди.
Эслатиб ўтамиз, 2024 йил ноябр ойида AI-80 бензини учун белгиланган максимал нарх 9 миллион 377 минг 555 сўм эди. Ҳозирда эса бу чеклов амалда эмас.
AI-80 бензини асосан Бухоро нефтни қайта ишлаш заводида ишлаб чиқарилади. Ушбу русумдаги ёқилғи иқтисодий жиҳатдан арзон бўлгани учун мамлакатда кенг фойдаланилар эди.
Шу билан бирга, давлат раҳбари томонидан AI-80 бензинидан фойдаланишни босқичма-босқич чеклаш, унинг ўрнини эса экологик тоза ёқилғилар билан алмаштириш бўйича аниқ вазифалар қўйилган.
Мутассаддилар фикрига кўра, бу тенденция мамлакатда экологияга эҳтиёткорлик билан ёндашиш ҳамда янги авлод технологиялари ва ёқилғи турларига ўтиш жараёнини тезлаштиришга хизмат қилади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
