Йўл ҳаракати хавфсизлиги бошқармалари ва ички ишлар бошқармалари матбуот хизматларидан олинган маълумотларга кўра, бир қатор ҳодисаларда йўл ҳаракати қоидаларини бузган шахслар ўз ҳаётлари билан хавф остида туришган. Бу ҳақда Upl.uz сайти хабар бермоқда.
Тошкент вилояти ҳудудида икки шундай ҳолат қайд этилган. Оққурғон туманида уч нафар фуқаро мини юк машинасининг юк бўлимига сув тўлдириб, икки нафари сув ичида ўтирган ҳолда овқатланишган. Шунингдек, улар аввал ижтимоий тармоқда машҳур бўлган видеони суратга олганлари маълум бўлди. Унда бир киши машина устидан болалар рақсини такрорлаган ва бу орқали ўз чайхонасини реклама қилган.
Барча қоидабузарларга маъмурий қамоқ жазоси, яъни 12 кунлик қамоқ белгиланган. Шунингдек, бир гуруҳ фуқаролар ҳаракатланаётган Nexia-1 автомашинаси устида рақс қилиб видеоролик суратга олган. Уларга нисбатан ҳам маъмурий чоралар кўрилган. 2024 йил 11 июл куни Андижон шаҳрида Дамас автомашинаси устида рақс қилинган видеоролик аниқланиб, иштирокчиларга профилактика суҳбатлари ўтказилган ва маъмурий протоколлар тузилган. Энг кўп эътиборни тортишган ҳолат эса Тошкент шаҳрида содир бўлган.
Блогер Malibu-2 автомашинаси капотида рақсга тушган ва видеога олган. Рақсчи бир неча марта машинадан тушиб кетиш хавфига дуч келган. Шунингдек, ички ишлар ходимлари мазкур автомобилга бошқа транспорт воситасига тегишли давлат рақам белгиси ўрнатилганини аниқлашган. Барча ҳолатлар бўйича тегишли маъмурий чоралар кўрилган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
