Жорий йил 17 сентябрь куни тахминан соат 17:45 атрофида Тошкент шаҳар Миробод тумани Толимаржон кўчасида йўл-транспорт ҳодисаси рўй берди.
Ҳолатда Spark русумли енгил автомобил ҳамда скутер тўқнашиб кетган. Зарбанинг таъсири оқибатида скутер ҳайдовчиси ва унда бўлган йўловчи турли тан жароҳатлари олган. Ҳодиса жойига тез тиббий ёрдам машинаси чақирилган ва жабрланувчиларга дастлабки шифокорлик ёрдами кўрсатилган.
Айни пайтда мазкур воқеа юзасидан Тошкент шаҳар Ички ишлар бош бошқармаси Йўл ҳаракати хавфсизлиги бошқармаси масъул ходимлари томонидан текширув ишлари олиб борилмоқда.
Маълумотларга кўра, суриштирув жараёнидан сўнг ҳодисага аниқ ҳуқуқий баҳо берилади. Мутасаддилар барча ҳолатларни ўрганиб чиқишини, айбдорлик даражаси ва келиб чиқиш сабаблари юзасидан қонун доирасида чора кўрилишини маълум қилишди.
Бу каби ҳолатлар йўлларда янада эҳтиёткорлик ва ҳаракат қоидаларига қатъий риоя қилиш зарурлигини ёдга солмоқда.
«Замин»ни Telegram’да ўқинг!
