Пахтакор бекатида аёлга шилқимлик қилган 23 ёшли йигит қамалди

Тошкент метросида аёл йўловчига нисбатан номақбул ҳаракат қилган йигит маъмурий тартибда жазоланди.

Маълумотларга кўра, 2002 йилда туғилган С.Б. 2025 йил 20 сентябрь куни “Пахтакор” бекатидан “Халқлар дўстлиги” йўналиши бўйлаб ҳаракатланаётганда А.Д. исмли аёлнинг белдан паст қисмини ушлаб, жамоат жойида шаҳвоний шилқимлик қилган.

Тошкент шаҳар Шайхонтоҳур туман маъмурий судида иш кўриб чиқилиб, у ўз қилмишини тан олди ва содир этган ишларидан афсусда эканини билдирди. Шу билан бирга, суддан енгил жазо сўради.

Суд қарорига кўра, С.Б. Маъмурий жавобгарлик тўғрисидаги кодекснинг 411-моддаси 1-қисми (“Жамоат жойида шаҳвоний шилқимлик”) бўйича айбли деб топилди ва 5 сутка маъмурий қамоқ жазосига ҳукм қилинди.

Йигитнинг қилмиши жамоатчилик орасида ҳам кескин танқидга учради.

Чарос Заркараева

«ZAMIN.UZ» муҳаррири