Қашқадарё вилояти Ички ишлар бошқармаси матбуот хизмати расмий хабар берди. 7-ноябр куни, тахминан соат 17:20 да, Қашқадарё вилояти Гузор тумани ҳудудидан ўтувчи М-39 "Тошкент-Термиз" автомобил йўлининг 1257-километрида иккита автомобил иштирокида йўл-транспорт ҳодисаси содир бўлди.
"Nexia-2" ва "Cobalt" автомобиллари тўқнашиши натижасида ҳар икки транспорт воситаси жиддий техник зарар кўрган. Ҳодиса оқибатида автомобиллардан бирининг йўловчиси оғир тан жароҳатлари сабаб шифохонада вафот этди.
Яна икки фуқаро шифохонага ётқизилган. Мазкур ҳолат юзасидан Ўзбекистон Республикаси Жиноят кодексининг "Транспорт воситаларидан фойдаланиш ёки хавфсизлик қоидаларини бузиш" моддаси бўйича жиноят иши қўзғатилди.
Ҳозирда ҳодиса тафсилотларини аниқлаш учун тергов ҳаракатлари олиб борилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
