Тошкент шаҳар Фавқулодда вазиятлар бошқармаси матбуот хизмати маълумотига кўра, Олмазор туманида ёнғин содир бўлди. Жорий йилнинг 7 ноябр куни соат тахминан 18:40да бошқарма диспетчерларига ушбу ҳодиса ҳақида хабар келиб тушган.
Ёнғин пойтахтнинг Олмазор туманидаги "Шифокорлар" маҳалласида жойлашган хонадонда юз берган. Воқеа жойига 9 дақиқа ичида ёнғин-қутқарув экипажлари етиб бориб, оловга қарши курашни бошлаган.
Кўрилган тезкор чоралар натижасида ёнғин тўлиқ соат 19:12да бартараф этилган. Ҳодиса оқибатида ҳеч ким жабрланмаган.
Ёнғин натижасида хонадоннинг 30 квадрат метр майдони, шунингдек, маиший техника ва мебеллар зарар кўрган. Ҳозирда ёнғин сабаблари ва моддий зарар миқдори аниқланмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
