Андижонда блогер тез ёрдам машинасидан такси сифатида фойдаланди
Андижонлик блогер тез ёрдам автомобилидан йўловчи ташиш учун ноқонуний фойдалангани сабабли аниқланди. Ноқонуний ишлатилган махсус автомобил хусусий тиббиёт клиникасига тегишли бўлган. Фуқаро устидан маъмурий баённома тузилиб, тез ёрдам автомобили жарима майдончасига жойлаштирилди.
Ижтимоий тармоқларда Андижонлик блогер тез ёрдам автомобилидан такси сифатида фойдалангани акс этган видео кенг тарқалди. Ушбу ҳолат катта жамоатчилик эътиборини тортиб, махсус транспорт воситаларига нисбатан масъулиятсиз муносабат танқидга сабаб бўлди.
Ҳуқуқ-тартибот идоралари томонидан қонунбузар шахс тезлик билан аниқланди. Маълум бўлишича, йўловчи ташиш мақсадида ноқонуний ишлатилган махсус автомобиль хусусий тиббиёт клиникасига тегишли бўлган.
Мазкур фуқаро устида махсус транспорт воситасидан мақсадсиз фойдаланиш бўйича маъмурий баённома тузилди. Ҳодисада иштирок этган тез ёрдам автомобили эса зудлик билан жарима майдончасига жойлаштирилди.
Изоҳлар 0
…