Фарғона вилоятида Гиёҳвандлик воситалари ва кучли таъсир этувчи моддаларнинг ноқонуний айланмасига қарши кескин кураш доирасида ДХХ, ИИВ ва Божхона органларининг ҳамкорлигида бир қатор тезкор тадбирлар ўтказилди. Натижада "гашиш" ҳамда контрабанда йўли билан киритилган "Регапен" дори воситаларини сотиш билан шуғулланган бир неча нафар шахс ҳибсга олинди.
"Матиз"да яширилган 866 грамм "гашиш"
Биринчи ҳолат Марғилон шаҳрида қайд этилди. Тезкор тадбир давомида 1996 йилда туғилган, Марғилон шаҳрида яшовчи фуқарога тегишли "Матиз" автомашинаси тўхтатилиб, кўздан кечирилди. Текширувда автомашина салонидан 866 грамм "гашиш" моддаси топилиб, ашёвий далил сифатида расмийлаштирилди. Гумонланувчи ушбу гиёҳвандлик моддасини сотиб, катта даромад орттиришни мақсад қилгани маълум бўлди.
Қирғизистондан $12 800 лик "Регапен" контрабандаси
Бошқа бир операция Фарғона шаҳрида амалга оширилди. Андижоннинг Қўрғонтепа туманида яшовчи 2 нафар наркодилер Қирғизистондан яширинча олиб кирилган 4 508 дона "Регапен" кучли таъсир қилувчи дори воситаларини харидорга 12 800 АҚШ долларига сотиш чоғида қўлга олинди.
Ҳолатлар юзасидан Жиноят кодексининг тегишли моддалари билан жиноят ишлари қўзғатилиб, гумонланувларга "қамоқ" эҳтиёт чораси қўлланилди. Мутасадди органлар бу каби ноқонуний айланма ёшлар саломатлигига ва жамият келажагига жиддий хавф солишини эслатиб, унга қарши курашиш барчанинг бурчи эканини таъкидлади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
