Эр-хотин 45та смартфонни қўшни давлатдан ноқонуний олиб киришга уринишди

  • 16 февраль 2017, 17:54
  • 4 095
  • Жамият
  • Эр-хотин 45та смартфонни қўшни давлатдан ноқонуний олиб киришга уринишди

    Фарғона вилояти божхоначилари эр-хотиндан 45та беркитилган смартфонни топишди, деб ёзмоқда Кун сайти.

    Содиқовлар оиласи Ўзбекистонга “Нексия” автомобилида қўшни мамлакатдан кириб келаётган эди. Божхоначилар ҳайдовчи ва йўловчидан автомобилни кўздан кечириш учун салондан чиқишни сўрашган.

    Уларни кўздан кечириш чоғида эса бешта модификациядаги қиймати 34,5 миллион сўм бўлган 45та смартфон топилди. Содиқовлар уяли алоқа воситаларини белларига боғлаб олганча, қўшни давлатдан олиб киришга уринишган.

    Шунингдек, пойтахт аэропорти божхоначилари “Сеул-Тошкент” рейси бўйича парвозини якунлаган фуқаро Баҳромовнинг ноқонуний ҳаракатларига чек қўйишди. Ушбу шахс ҳам божхона назоратидан яширганча 3 турдаги 35 дона қўл телефонини олиб киришни кўзлаган эди. Аммо бу режа ўз вақтида чипакка чиқарилди.

    Ҳозирда мазкур ҳолатлар юзасидан божхона текширувлари ва суриштирув ҳаракатлари давом эттирилмоқда.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Эр-хотин 45та смартфонни қўшни давлатдан ноқонуний олиб киришга уринишди