АҚШнинг барча президентлари рейтинги тузиб чиқилди, Обама 12-ўринда

Америкалик тарихчилар Барак Обамани АҚШнинг барча президентлари рейтингида 12-ўринга муносиб кўришди, деб ёзади Kun.uz. У Вудро Вильсондан кейинги ўринга жойлаштирилган. Биринчи учликка Авраам Линкольн, Жорж Вашингтон ва Франклин Рузвельт киритилган.

Ушбу рейтингни тузиш билан шуғулланувчи C-SPAN телеканали маълумотларига кўра, Обама иқтисодий бошқарув соҳасида яхшироқ кўрсаткичга эга бўлган. Бу борада у 8-натижани кўрсатган. Оқ уйнинг собиқ раҳбари энг ёмон натижани Конгресс билан ҳамда халқаро муносабатлар соҳасида намойиш этган ва тегишли равишда 39, 24-ўринларни эгаллаган.

Рейтинг АҚШ етакчилари аутсайдерлари сифатида Жеймс Бьюкенен, Эндрю Жонсон ва Франклин Пирсни қайд этган.

Обамадан аввалги президент Жорж Буш кичик 43 нафар президентлар орасида 33-ўринга муносиб кўрилган. Тарихчиларнинг фикрича, Буш кичик ўзини халқаро муносабатларда жуда ёмон намоён этган.

Ўзига хос рейтингни тузишда Америка етакчи университетларининг 91 нафар тарихчи ва бошқа мутахассислари қатнашган.