Фуқаро фойдасига иш ҳақидан қарздорлик ундириб берилди

Фуқаролик ишлари бўйича Учтепа туманлараро судининг 09.01.2026 йилдаги ижро варақаси асосида, қарздор ташкилотдан ундирувчи фуқаро фойдасига иш ҳақини ундириш бўйича ижро иши 20.01.2026 йилда Мажбурий ижро бюроси иш юритувига қабул қилинган.

Суд ҳужжатига мувофиқ, қарздор ташкилотдан 67 511,2 минг сўм иш ҳақи, 2 700,4 минг сўм давлат божи ва почта харажатлари,

жами 70 252,8 минг сўм ундириш белгиланган.

Қарздорга қарздорликни ихтиёрий равишда тўлаш учун 5 кунлик муддат берилган, бироқ белгиланган муддатда тўлов амалга оширилмаган. Шундан сўнг, қонунчиликка мувофиқ мажбурий ижро ҳаракатларига ўтилган.

Ижро жараёнида қарздор ташкилотга тегишли:

• автотранспорт воситасига банд қўйилиб, қидирув эълон қилинган,

• банк ҳисоб рақамларига тақиқ солинган.

МИБ Шайхонтоҳур туман бўлими давлат ижрочиси Н. Азаматов томонидан ташкилот мол-мулки ва автотранспорт воситасини хатлаш жараёнида, қарздор ташкилот қарзни тўламасликнинг иложи йўқлигини англаб етиб, иш ҳақи қарздорлигини тўлиқ тўлаб берган.

Натижада, фуқаро ўзининг қонуний иш ҳақини тўлиқ олди, ижро иши эса Қонуннинг 41-моддаси 1-банди асосида амалда бажарилди.