Ангренда ўқотар авторучка сотмоқчи бўлган шахс ушланди

  • 03 март 2017, 10:01
  • 4 359
  • Жамият
  • Ангренда ўқотар авторучка сотмоқчи бўлган шахс ушланди

    Миллий хавфсизлик хизмати ходимлари Тошкент вилояти Ангрен туман ИИБ ходимлари билан ҳамкорликда кичик ҳажмли тўппонча сотишга уринган шахсни қўлга олишди. Бу ҳақда Sputnik Ўзбекистон'га таяниб Кун.уз хабар берди.

    Хабарда айтилишича, ангренлик 46 ёшли Бахтиёр Йўлдошев авторучка кўринишидаги тўппонча ва унинг 5,6 мм калибрли тўққизта ўқини сотишга уринган. У бу қуролни узоқ вақт давомида уйида ноқонуний сақлаб келган.

    "Сўроқ жараёнида Йўлдошев ушбу қуролни бир пайтлар СССР қуролли кучлари таркибида Афғонистонда хизмат қилган Ангренда яшаган нотаниш рус кишисидан олганини маълум қилди. Баллистик экспертиза хулосасига кўра, ушбу авторучка-тўппонча ўқотар қурол ҳисобланади ҳамда фойдаланишга яроқли ҳолатда", — деган МХХ ходими.

    Ангрен тумани ИИБ Бахтиёр Йўлдошевга нисбатан Ўзбекистон Жиноят кодексининг 248-моддаси (Қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш) бўйича жиноят иши қўзғатди. Жиноят ишлари бўйича Ангрен шаҳар суди ҳукмига кўра Б.Йўлдошев 5 йил муддатга озодликдан маҳрум қилинди, дейилади хабарда.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Ангренда ўқотар авторучка сотмоқчи бўлган шахс ушланди