Даниялик 14 ёшли ўқувчи Даниэль Кристиансен ва унинг отаси ичида учувчи суяклари бўлган Иккинчи жаҳон уруши вақтидаги самолётни топиб олди, деб ёзмоқда Кун.уз сайти.
Ўсмир тарих дарсидан уй топшириғини бажариш мақсадида металл қидиргич ёрдамида дарсга олиб бориш мумкин бўлган буюмларни қидирган. Натижада ўқувчи 8 метр ер остида темирнинг катта бўлакларини аниқлаган.
Боланинг отаси топилмани қазиб олиш учун қўшнисидан экскаватор олган.
Аниқланишича, топилма 1944 йил охирида фалокатга учраган Messerschmitt немис қирувчи самолёти фюзеляжининг бўлаклари бўлган.
"Аввал биз лой билан бирга металл бўлакларни қазиб олишни бошладик, кейин эса суяклар ва кийимларга йўлиқдик", деб айтмоқда боланинг отаси.
Ўсмир бобосининг 1944 йил ноябри ёки декабрида бу ерда немис самолёти қулагани ҳақидаги ҳикоясини эсга олган. "Мен буни шунчаки ҳазил деб ўйлардим", деб айтган ўсмир.
Айни вақтда воқеа жойида сапёрлар ишламоқда, улар ўқ-дориларни зарарсизлантиришлари керак. Самолёт қолдиқларини ўргана бошлаган Шимолий Ютландиядаги тарих музейи яқин орада учувчининг шахсини аниқлашга умид қилмоқда. "Биз учувчининг ҳужжатларини топдик", деб айтмоқда музей ходими.
Тарихчиларнинг фикрича, самолёт яқин орада жойлашган Ольборг шаҳридаги машғулот авиабазасидан ҳавога кўтарилган. Ушбу топилма ҳақида Германиянинг Даниядаги элчихонаси хабардор қилинган.
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
22 ноябрь куни Cobalt автомобилига шартнома очилиши эълон қилинди
Халқаро жиноят судининг ордери Исроилни нега қўрқитяпти?
Италия суди Қуддус Исроил пойтахти эмаслиги ҳақида қарор чиқарди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
2026 йилда бўлажак мундиалнинг фаворитлари рейтинги тақдим этилди
