Ўзбекистон ва Қозоғистон ҳозирча 92 та келишувни имзолади

Қозоғистонлик тадбиркорлар ўзбекистонлик ҳамкасбларига Хитой ва Россия бозорини миллий маҳсулотлар билан тўлдиришни таклиф қилишди. Бу ҳақда “Qalampir” сайти хабар берди.

"Атамекен" тадбиркорлар миллий палатаси бошқарма бошлиғи Нуржан Алтаев берган маълумотга кўра, айни вақтда Ўзбекистонда қозоғистонликлар иштирокида 230 та, Қозоғистонда эса 130 та корхона ва заводлар фаолият юритади. Алтаев ўзбек тадбиркорларига Россия ва Хитой бозорини миллий маҳсулотлар билан тўлдиришни таклиф қилди.

Эслатиб ўтиш керак, Шавкат Мирзиёевнинг Қозоғистонга қилган илк ташрифи доирасида 840 миллион долларлик 92 та келишув имзоланди. Бугунги бизнес-форумда яна 94 миллион долларлик 10 та ҳужжат имзоланиши кутилмоқда. «Замин»ни Telegram’да ўқинг!