Тошкентда 8 та автомобиль иштирокида ЙТҲ содир бўлди

Кеча, 28 март куни Тошкент шаҳрида 8 та автомашина иштирокида йўл-транспорт ҳодисаси юз берди. Бу ҳақда пойтахт Йўл ҳаракати хавфсизлиги бошқармаси хабар берди.

Маълумотларга кўра, соат 11:10 атрофида Чилонзор тумани “Эшонгузар” МФЙ, Чинни бозор олдида 2 та Spark, 3 та Cobalt, 1 та BYD, 1 та Matiz ва 1 та Lacetti русумли автомобиллар тўқнашди. ЙТҲ натижасида Cobalt автомобилининг бир йўловчисига шифокорлар томонидан биринчи тиббий ёрдам кўрсатилди.

Ҳодиса юзасидан Тошкент шаҳар ИИББ ЙҲХБ масъул ходимлари томонидан тергов ва текширув ишлари олиб борилмоқда. Шаҳар аҳолиси ва ҳайдовчилар эҳтиёткорликни ошириб, йўлларда ҳодисалардан сақланиши керак.

Kamola Shuhratova

«ZAMIN.UZ» муҳаррири

+ Zamin.uz сайтини Googleга қўшинг