Деновда фожиа: 32 ёшли эркак уриб ўлдирилди
Денов шаҳрида 32 ёшли эркак, А.У., бир гуруҳ шахслар томонидан калтакланиб, ҳаётидан айрилди. Ҳодиса 27 апрель куни автотранспорт ювиш шохобчаси олдида юз берган бўлиб, жанжал пул олди-бердиси сабабидан келиб чиққан. Жабрланувчи оғир жараоҳатлар олиб, шифохонада даволанган бўлса-да, 28 апрель куни вафот этган. Ҳозирда тергов ишлари олиб борилмоқда ва ҳодисада иштирок этган тўрт нафар шахс қамоққа олинган.
Сурхондарё вилоятининг Денов шаҳрида мудҳиш жиноят содир бўлди. 32 ёшли эркак бир гуруҳ шахслар томонидан аёвсиз калтакланиб, кейинчалик олган жароҳатлари оқибатида вафот этди. Бу ҳақда вилоят Ички ишлар бошқармаси маълум қилди.
Дастлабки маълумотларга кўра, ҳодиса 27 апрель куни соат 17:50 атрофида “Боғишамол” маҳалласидаги автотранспорт ювиш шохобчаси олдида юз берган. Пул олди-бердиси сабаб аввалдан келишмовчилик мавжуд бўлган шахслар ўртасида яна жанжал келиб чиққан.
Натижада 1989 йилда туғилган Қ.Ш. ҳамда унинг шериклари — 1996 ва 1997 йилларда туғилган уч нафар шахс 1970 йилда туғилган А.У. ва унинг ўғли, 1994 йилда туғилган A.A.га ҳужум қилган. Улар жабрланувчиларни уриб, оғир тан жароҳатлари етказган ва кейинроқ автомобилга солиб, воқеа жойидан олиб кетган.
Оғир аҳволда шифохонага етказилган А.А. шифокорлар томонидан кўрсатилган тиббий ёрдамга қарамай, 28 апрель куни ҳаётдан кўз юмди. Унинг олган жароҳатлари ҳаёт учун ўта хавфли бўлгани айтилмоқда.
Мазкур ҳолат юзасидан дастлаб Жиноят кодексининг 104-моддаси (қасддан ўртача оғир тан жароҳати етказиш) билан жиноят иши қўзғатилган. Бироқ жабрланувчининг вафот этгани сабаб иш қайта малакаланди ва оғирроқ модда билан тергов қилинмоқда.
Ҳозирда воқеада иштирок этган тўрт нафар шахс процессуал тартибда қамоққа олинган. Тергов ҳаракатлари давом этмоқда.
Изоҳлар 0
…