Энди автобуслар ҳар куни эрталаб соат 04:30 дан бошлаб соат 24:00 гача ишлайди!

Энди автобуслар ҳар куни эрталаб соат 04:30 дан бошлаб соат 24:00 гача ишлайди!
Тошкент шаҳар ҳокимининг 2017 йил 12 майдаги 578-сонли қарорига асосан Хосил Хусанович Халматов “Тошшаҳартрансхизмат” АЖ бошқарув раиси вазифасини вақтинча бажарувчи этиб тайинланди, деб ёзади Hordiq.uz.
Х.Халматов раислигида 2017 йилнинг 13 ва 14 май кунлари жамият таркибидаги барча корхоналар раҳбарлари, мутасадди ходимлари ва йўловчи ташувчи йўналишлар сардорлари иштирокида кенгайтирилган йиғилишлар ўтказилди.

Йиғилишларда “Тошшаҳартрансхизмат” АЖнинг асосий вазифалари сифатида қуйидагилар белгилаб олинди, жумладан:
— йўловчи ташиш транспортида хавфсизликни таъминлаш;
— аҳолининг йўловчи ташишга бўлган эҳтиёжини тўлиқ қондириш;
— йўналишларда автобуслар мунтазамлигини таъминлаш;
— аҳолидан келиб тушаётган ариза ва шикоятлардан келиб чиқиб, автобусларнинг тасдиқланган иш режими ва тасдиқланган жадвал бўйича, яъни эрталаб соат 04:30 дан бошлаб соат 24:00 гача ишлашини таъминлаш;
— носоз автобусларни зудлик билан таъмирлаш ва улардан йўловчи ташишда самарали фойдаланиш;
— автокорхоналардаги барча ишчи-ходимларнинг, шу жумладан фаррош, чилангар, ҳайдовчилар ва чиптачиларнинг ойлик маошини ошириш ва уларни меҳнатига қараб муносиб рағбатлантиришни таъминлаш;
— ҳайдовчи ва чиптачиларнинг йўловчиларга бўлган муомала маданиятини юксалтириш;
— ҳайдовчиларга қулай меҳнат шароитини яратиш, уларга энг қулай ва сифатли метериаллардан кийим-бош тиктириш ва бошқалар.
Шунингдек, жамият раиси в.в.б. Х.Халматов бошқарув раисининг молиявий масалалар бўйича ўринбосари М.Валиевга ва “Тошйўловчитрансхизмат” УК директори А.Кадировга тегишли идоралар билан келишган ҳолда ва қонун доирасида, йўловчиларнинг ойлик йўл чиптасидан фойдаланишларини оммалаштириш, ойлик йўл чипталарининг сотилишини кўпайтириш мақсадида 10 мингинчи ойлик йўл чиптаси эгасига микротўлқинли печ, 30 мингинчига – телевизор, 50 мингинчига – музлатгич, 100 мингинчига – “Матиз” автомобили, 150 мингинчига – “Нексия-3” автомобили, 200 мингинчига – “Малибу” автомобили, 300 мингинчига – “Каптива” автомобили, 500 мингинчига – кўп қаватли уйлардан 2 хонали хонадон ютуқ сифатида берилиши бўйича таклиф ишлаб чиқишни топширди. Бу эса ўз навбатида аҳолини моддий рағбатлантиришга жамиятнинг ҳиссаси ҳам қўшилишини, уларни шаҳар йўловчи транспортидан фойдаланишга янада ундашини таъкидлади.
“Тошшаҳартрансхизмат” АЖ бошқарув раиси вазифасини вақтинча бажарувчи Х.Халматов томонидан юқоридаги вазифаларни амалга ошириш ҳамда шаҳар йўловчи транспортининг ишини янада яхшилаш, бошқарув ва иш олиб бориш тизимини тубдан ўзгартириш, соҳани ривожлантириш бўйича асосланган таклифлар киритиш юзасидан корхона раҳбарларига 10 кун муддат берилди. Мазкур вақт ичида ўзига юклатилган вазифаларни уддалай олмаган корхона раҳбарининг эгаллаб турган лавозимига лойиқлик масаласи кўриб чиқилиши таъкидлаб ўтилди. “Замин” янгиликларини “Telegram”да кузатиб боринг