Тезкор хабар! Марказий банк раиси вафот этди

Ўзбекистон Марказий банки раиси Файзулла Муллажонов бугун, 23 май куни 67 ёшида вафот этди. Бу ҳақда Марказий банкдаги манбаларимиз хабар берди.

Марказий банк раисининг ўлими сабаблари ҳозирча аниқ эмас. Тахмин қилишларича, раис ишдан келиб, ўтирган жойида оламдан кўз юмган. Унда қандли диабет касали бўлгани айтилмоқда.

Маълумот учун, Файзулла Муллажонов 1950 йил Сирдарё вилоятида туғилган. У Марказий банк раиси лавозимида 1991 йилдан бери фаолият юритиб келаётган эди. «Замин»ни Telegram’да ўқинг!