Аёл жинга «Шундай қилки, эрим туну кун мен ҳақимда ўйласин» деб буюрибди. Биласизми, жин нима қилган?

Аёлнинг жиндан илтимоси
Бир аёл Алоуддиннинг сеҳрли чироғини топиб олиб, уни ишқалаган экан ичидан жин чиқиб: «Амрингизга мунтазирман!» — дебди.
Аёл жинга буйруқ бериб: «Шундай қилгинки, мен эримнинг кўз қувончи бўлай: эрталаб турганда биринчи бўлиб менга қарасин, ухлашдан олдин охирги кўргани ҳам мен бўлай, мени ўйлаб кечалари ухлолмай чиқсин, хаёли фақат менда бўлсин», — дебди. Бу гапларни эшитган жин аёлни самсунг телефонига айлантириб, унга телеграмм ўрнатиб қўйибди‍‌‌‌‌‌‍‌‍‍‌.
***
Тошбақанинг уйи ёнса…
Тошбақа барга кириб зўрға бармен столига яқинлашиб:
— Бармен бир стакан сув бер, — дебди.
Бармен сувни берса, олиб бардан чиқиб кетибди.
Эртасига яна кириб, бир стакан сув олиб чиқиб кетибди. Учинчи куни кириб яна бир стакан сувни олиб чиқиб кетаётган экан бармен қизиқиб сўрабди:
—Нега доим сувни ичмасдан олиб чиқиб кетяпсан?
Тошбақа:
—Ҳозир тушунтиришга вақт йўқ, уйим ёнмоқда, – дебди.
***
Беш яшар қизчанинг турмуш ҳақидаги тушунчаси
Беш яшар болакай тенгдош қизчадан сўради:
— Катта бўлгач, менга турмушга чиқасанми?
— Йўқ.
— Нега?
— Бизнинг оиладагилар фақат ўз яқинлари билан турмуш қуришади. Масалан, бобом момомга, дадам ойимга, тоғам янгамга уйланишган!

Манба: Hordiq.uz “Замин” янгиликларини “Инстаграм”да кузатиб боринг