1.500 АҚШ доллар эвазига «Uzmobile» уяли алоқа компаниясига ишга киритмоқчи бўлган фирибгар қўлга олинди

  • 05 июнь 2017, 19:08
  • 5 074
  • Жамият
  • 2016 йилнинг 08 июл куни номаълум шахс, Яккасарой тумани ҳудудида, фуқаро Сурайё Бобировнанинг ишончига кириб, уни “Uzmobile” уяли алоқа компаниясига ишга жойлаштиришни ваъда қилиб, алдов йўли билан ундан 1.500 АҚШ доллари миқдоридаги пул маблағларини қўлга киритганидан сўнг, ҳодиса жойидан яширинган. Бу ҳақда Тошкент шаҳар ИИББ сайтида хабар берилган.

    Мазкур ҳолат юзасидан Яккасарой тумани ИИБ ҳузуридаги Тергов бўлими томонидан Ўзбекистон Республикаси ЖКнинг 168-моддаси 1-қисми (фирибгарлик, яъни ўзганинг мулкини алдаш ва ишончни суиистеъмол қилиш йўли билан қўлга киритиш) аломатлари билан жиноят иши қўзғатилган эди.

    Тошкент шаҳар ИИББ ходимлари томонидан олиб борилган тергов-тезкор тадбирлари натижасида, мазкур жиноят муқаддам фирибгарлик билан бир неча маротаба судланган, 1981 йилда туғилган Абуҳамид Абдувахитович Абдуллаев томонидан содир этганлиги аниқланган.

    Абдуллаевга нисбатан қамоққа олиш тарзидаги эҳтиёт чораси қўлланилган.
    Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
    1.500 АҚШ доллар эвазига «Uzmobile» уяли алоқа компаниясига ишга киритмоқчи бўлган фирибгар қўлга олинди

    Жабрланувчининг анкета маълумотлари ўзгартирилган бўлиб, фамилия ва исмларнинг хар қандай ўхшашлиги тасодифий характерга эга.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » 1.500 АҚШ доллар эвазига «Uzmobile» уяли алоқа компаниясига ишга киритмоқчи бўлган фирибгар қўлга олинди