БМТ Бош котиби Антониу Гутерриш 10 июнь куни катталиги бўйича дунёда тўртинчи ўринда бўлган Орол денгизини бориб кўрган эди.
Гутерриш қачонлардир порт шаҳар, ҳозир эса “кемалар қабристони” бўлган Мўйноқни бориб кўрганидан сўнг: “Орол денгизининг қуриши иқлим туфайли эмас, сув ресурсларининг инсон томонидан нотўғри бошқарилиши натижасида рўй берган. Шунингдек, иқлим ўзгариши муносабати билан унинг салбий таъсирини камайтиришга оид қатъий чоралар кўрилмаса, бу фожиа бутун дунё миқёсида кўпаяди”, дея огоҳлантирди.
Неча йиллардан буён бизни аста-секин тарк этаётган Орол фожиасига мутахассислар турли ёндашувлар билдирмоқда. Кимлардир инсон омили деса, яна кимлардир табиатдаги ўзгаришларга боғламоқда.
Мен ҳам йил бошида хизмат сафари билан Мўйноқ туманига борганимда қуршаб қолган денгизимизни кўрдим. Бир пайтлар қирғоқларига сиғмай ҳайқириб ётган денгиз ўрнида биёбон чўлни кўриш ҳар қандай инсон учун жуда оғир ва тушунтириб беролмайдиган руҳий кечинмаларни қалбга солади.
Оролни кузатаётганимизда “кемалар қабристони”га қараб турувчи Қушқанот оға билан суҳбатлашиб қолдик. Оғанинг хотирлашича, ёши улуғлар Орол денгизи олдин ҳам икки маротаба қуриб, кейин яна ўзига қайтгани ҳақидаги суҳбатни гапириб берди.
Қушқанот оға шундай хотиржамлик ва ишонч билан айтдики: “Орол яна қайтади”. Бизга ҳамроҳлик қилаётган қорақалпоқлик мутасадди акамиз ҳам оғанинг гапларига ҳеч қандай монеликсиз қўшилди. Алқисса, ҳаммамизнинг кўнглимизда бир умид уйғонди — Орол яна қайтсин!
Манба: Qalampir.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
Энди операциядан сўнг кесмалар ўрни икки баробар тезроқ битиши мумкин
Глобал очлик ва қашшоқликка қарши кураш алянсига 82 мамлакат аъзо бўлди
Омега-3 қандай қилиб озишга ёрдам беради?
Тюмен областига Ўзбекистондан меҳнат мигрантлари ишга жалб қилинади
Хатолар ва мағлубиятлар... улар кечириладими?
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
КХДР Россияга 100 минггача ҳарбий юбориши мумкин
