Фотопост. Президент топшириғи: навбат жиззахликларга келди

Аввалроқ Шавкат Мирзиёевнинг топшириғига асосан, Самарқанд вилояти аҳолисининг кам таъминланган ҳамда меҳнат лаёқати чегараланган қатламини қўллаб-қувватлаш мақсадида 120 нафарга яқин кишига тикув машиналари, ногиронлар аравачалари, эшитиш аппаратлари, ҳассалар, даволанишга бепул йўлланмалар ҳамда 150 миллион сўм миқдорида моддий ёрдам кўрсатилгани ҳақида хабар берган эдик.

Навбат Жиззах вилоятига келди. Бугун, 17 июнь куни Президент топшириғига асосан, Жиззах вилояти аҳолисининг кам таъминланган ҳамда меҳнат лаёқати чегараланган қатламининг 80 нафарга яқин аҳолиси тикув машиналари, ногиронлар аравачалари, эшитиш аппаратлари, ҳассалар, даволанишга бепул йўлланмалар ҳамда 150 миллион сўм миқдорида моддий ёрдам билан таъминланди, деб ёзмоқда Qalampir.uz сайти.