Ўзбекистон Ички ишлар вазирлиги Ягона интерактив порталда жойлаштирилган "Қурол ҳақида"ги қонун лойиҳасидан мақсад нима эканлигига тушунтириш берди.
Вазирликнинг билдиришича, мазкур қонун лойиҳаси республика ҳудудида фуқаролик, хизмат ва жанговар қурол-яроғлар борасидаги ҳуқуқий муносабатларни тартибга солади.
"Қайд этиш жоизки, қонун лойиҳасида фуқаролар (тегишли тартибда овчилик жамиятлари ва спорт клубларида рўйхатдан ўтган аъзолар) фақатгина ов ва спорт машғулотлари учун ўқотар қуролга эгалик қилишлари ва фойдаланишлари мумкинлиги назарда тутилган", – дея аниқлик киритилади вазирлик матбуот хизмати томонидан.
Шунга мувофиқ, жисмоний шахсларнинг ўзини ҳимоя қилиш мақсадида жамоатчиликка хавф туғдирувчи ўқотар ёки бошқа қуролларга эгалик қилишларига йўл қўйилмайди.
Вазирликнинг таъкидлашича, фуқаролар ўзини ҳимоя қилиш мақсадида газ баллонлари, механик пуркагичлар, аэрозол ва кўздан ёш оқизувчи бошқа мосламалар ҳамда соғлиқни сақлаш вазирлиги томонидан рухсат берилган электрошок қурилмаларига эгалик қилишлари мумкин.
Бунда, ички ишлар органлари ушбу воситаларни тегишли тартибда текширувдан ўтказиб, фуқарога рухсатнома берганидан кейингина уларни олиб юриш мумкин. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Жо Байден: “Баъзан хотиним мени космосга жўнатиш билан таҳдид қилади”
Яхши пишган ва мазали анор танлашга ёрдам берадиган тавсиялар
Россиялик депутат: «Олий маълумотлиларнинг курерлик қилиши — ватанпарварликка зид»
АҚШ ҳарбийлари орасида ўз жонига қасд қилиш кўпайди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Энди операциядан сўнг кесмалар ўрни икки баробар тезроқ битиши мумкин
Apple донгдор икки айфонини расман эскирган деб эълон қилди
АҚШ Исроилнинг икки вазирига санкция қўлламоқчи
