Андижонда автомашиналарни тунаб кетаётган шахс қўлга олинди

  • 07 август 2017, 12:08
  • 4 428
  • Жамият
  • Андижонда автомашиналарни тунаб кетаётган шахс қўлга олинди
    Андижон туман “Ойжамол” маҳалла фуқаролари йиғини ҳудудида номаълум шахс Андижон шаҳрида яшовчи 1982 йилда туғилган Ш.М.га тегишли бўлган Spark русумли автомашинининг олд эшигини темир жисм билан очиб, автомашина салонида бўлган 3 дона уяли телефон аппарати, 100 АҚШ доллари ва 1.900.000 сўм пулларини ўғирлаб кетган. Бу ҳақда «Андижон вилоят ИИБ матбуот хизмати»га таяниб «Кун.уз» ёзмоқда.

    Кўрилган чоралар натижасида номаълум шахс аниқланиб ушланди. У Андижон шаҳрида яшовчи 1971 йилда туғилган Э.Б бўлиб чиқди. Ашёвий далил сифатида 100 АҚШ доллари ва 1 дона телефон аппарати ва 450.000 сўм пуллар олинди.

    Ҳолат юзасидан Ўзбекистон Республикаси Жиноят кодексининг 169-моддасини 2-қисми билан жиноят иши қўзғатилган. Ҳозирда ушбу фуқаронинг бошқа жиноятларга алоқадорлиги юзасидан тергов ҳаракатлари давом этмоқда.

    » » Андижонда автомашиналарни тунаб кетаётган шахс қўлга олинди