Мамлакатимизда божхона ходимлари фаолияти самарадорлигини ошириш, ички бозорни сифатсиз контрабанда дори-дармон воситаларидан ҳимоялаш, маҳаллий ишлаб чиқарувчилар, кичик бизнес ва хусусий тадбиркорлик субъектларини ташқи бозорга чиқариш бўйича самарали ишлар амалга оширилмоқда.
Айни пайтда ташқи иқтисодий фаолият иштирокчилари учун божхона расмийлаштириладиган тегишли ҳужжатлар тартибини соддалаштириш мақсадида ягона ахборотлаштирилган ахборот тизимини яратиш ишлари ҳам давом этаётир. Афсуски, миллий божхона тизимида айрим ходимларининг тадбиркорлар, ҳатто хорижликлардан ҳам ноқонуний пул ундириш ҳолатлари учрамоқдаки, бу Ватанимиз обрў-эътиборига соя солиши турган гап.
Яқинда МХХ ходимлари Тошкент вилояти прокуратураси вакиллари билан ҳамкорликда Давлат Божхона қўмитасининг Тошкент вилояти бошқармаси ходими Жаҳонгир Омоновни пора олаётганда ашёвий далил билан қўлга олди.
Олинган маълумотларга қараганда, Давлат Божхона Қўмитасининг Тошкент вилояти бошқармаси Божхона назоратини ташкил қилиш бўлими катта инспектори Жаҳонгир Омонов мунтазам равишда хорижий юк ташувчилар учун белгиланган кузатув йўналишини ўзгартириб бериш эвазига хорижий транспорт экспедитор компанияси вакилидан 200 дан 500 АҚШ долларигача пора талаб қилиб келган.
Тезкор гуруҳ ходимлари Ж.Омоновни хорижлик тадбиркордан навбатдаги пора – 460 АҚШ долларини олаётганда қўлга олишди.
Мазкур ҳолат юзасидан прокуратура органлари томонидан Ж.Омоновга нисбатан Ўзбекистон республикаси жиноят Кодексининг 210 моддасига мувофиқ (пора олиш) жиноий иш қўзғатилган. Тергов жараёнида хорижлик пора эвазига юк ташувчилар йўналишини ўзгартиришга алоқадор бўлган бошқа божхона ходимлари ҳам аниқланмоқда.
Манба: Darakchi.uz “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Учар автомобил йўловчи билан биринчи парвозини амалга оширди (видео)
Германияда ишлаш истагида бўлган ўзбекистонлик мутахассислар учун немис тили ўргатилади
Велосипедда сайр қилиш учун 3 сабаб: ёшартиради, оздиради ва умрни узайтиради
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Владимир Путин «Крокус»да содир этилган теракт учун ўч олишга чақирди
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
“Толибон” Афғонистоннинг Хост вилоятида беш нафар фуқарони қамчи билан жазолади