Шавкат Мирзиёев кейинги ҳафта Қирғизистон Республикасига ташриф буюради

Ўзбекистон Президенти Шавкат Мирзиёев кейинги ҳафта Қирғизистон Республикасига ташриф буюриши кутилмоқда. Бу ҳақда uzbekistan24.uz нашри хабар бермоқда.

Бу ҳақда Қирғизистон раҳбари Ўш вилоятининг Узган туманига ташрифи чоғида маълум қилган. Алмазбек Атамбаевнинг айтишича, унинг Ўзбекистон раҳбари билан муносабатлари яхши.

“Икки ҳафта олдин Қирғизистон ва Ўзбекистон Бош вазирлари учрашган ва чегараларга оид 84 фоиз масалаларда бир тўхтамга келишган. Бу борада яна ҳал этиладиган масалалар бор”, — деди Атамбаев.

У, шунингдек, ўз сўзида Ўзбекистон Бош вазирининг мамлакатимизга сўнгги 26 йил давомидаги биринчи ташрифи бўлганини ҳам таъкидлаган. «Замин»ни Telegram’да ўқинг!