Ижтимоий тармоқлар орқали ўзини аёл киши сифатида таништириб, суҳбатдошини учрашувга таклиф қилган ва учрашувга чиққан ошиқ йигитни дўппослаб, тунаш ҳолатлари кўплаб учрамоқда.
Шундай жиноятлардан бири Юнусобод туманида содир этилди.
4 сентябрь куни тунги тахминан соат 22:30ларда: Сарвар Абдуҳошим ўғли Абдураҳмонов, Шоҳруҳ Қурбоналиевич Миралиев ва Бобур Баҳром ўғли Аҳроров, ўзаро олдиндан жиноий тил бириктириб, босқинчилик йўли билан ўзганинг мол-мулкини талон-торож қилиш мақсадида Юнусобод тумани, Амир Темур кўчасида фуқаро Аҳрор Турсунович Курбанжановнинг ёнига келган.
Сўнг уни уриб, “Samsung Galaxy DUOS” русумли уяли телефонини ҳамда 20 минг сўм нақд пулларини тортиб олиб, жиноят жойидан яширинган. Бу ҳақда Тошкент шаҳар ИИББ Матбуот хизмати хабар берди.
Мазкур ҳолат юзасидан Юнусобод тумани ИИБ ҳузуридаги тергов бўлими томонидан жиноят иши қўзғатилган.
Жиноят иши юзасидан олиб борилган дастлабки тергов даврида Ш.Миралиев, жиноят содир этилишидан бир неча кун аввал, танишлари С.Абдураҳмонов ва Б.Аҳроров билан босқинчилик содир этишни режалаштирган, сўнг Ш.Миралиев интернет орқали “Лилия” исмли қиз сифатида А.Курбанжанов билан танишган.
У билан Telegram орқали суҳбатлашиб турган. Орадан бироз муддат ўтиб, у Курбанжановни учрашувга таклиф қилган...
Ш.Қ.Миралиев, мазкур жиноятни содир этишдаги шериклари билан аввалдан учрашиб олиб, Амир Темур кўчаси, 115-уйнинг ёнига келган. Курбанжанов ҳам шу ерга келган вақтида уни уриб, уяли телефони ва пулларини олиб қўйиб, ҳодиса жойидан яширинганликлари аниқланган.
Мазкур жиноятни содир этганликда Ш.Қ.Миралиев, С.А.Абдураҳмонов ва Б.Б.Аҳроровларнинг айби тўлиқ исботланиб, уларга Ўзбекистон Республикаси Жиноят кодексининг 164-моддаси 2-қисми “б” банди (босқинчилик, яъни бир гуруҳ шахслар томонидан олдиндан тил бириктириб, ўзганинг мулкини талон-торож қилиш мақсадида ҳужум қилиш) билан айблов эълон қилинди.
Жабрланувчининг анкета маълумотлари ўзгартирилган бўлиб, фамилияси ва исмининг ҳар қандай ўхшашлиги тасодифий характерга эга.
Манба: qalampir.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ ҳарбийлари орасида ўз жонига қасд қилиш кўпайди
Боррел ЕИнинг Исроил билан мулоқотини тўхтатишни таклиф қилди
НАТО бош котиби Украинанинг фронтдаги аҳволи ёмонлашганини тан олди
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
Кремль Украина бўйича музокарада шартлар қўйишга уринмоқда
АҚШ Исроилнинг икки вазирига санкция қўлламоқчи
Россия армияси Купянскка киргани айтилмоқда
