10:24 / 11.10.2017
8 866

Тошкентда Тожикистон маданияти кунлари бошланди

Тошкентда Тожикистон маданияти кунлари бошланди
Ўзбек ва тожик халқларини дўстлик, яқин қўшничилик алоқалари билан бирга кўп асрлик маданий ришталар боғлаб туради.

10–14 октябрь кунлари Тошкент шаҳрида Тожикистон маданияти кунлари ўтказилиши ҳақида хабар берилди.

Мазкур тадбир, яъни Тожикистон маданияти кунларининг ўтказилиши — икки халқ ўртасидаги ҳамкорликнинг амалдаги ифодаси, десак муболаға бўлмайди.

Кеча, 10 октябрь куни Ислом Каримов номидаги Тошкент халқаро аэропортида тожикистонлик бир гуруҳ санъат ва маданият намояндаларини кутиб олиш маросими бўлиб ўтди.

ЎзА хабарига кўра, Тожикистон делегацияси аъзолари Тошкентдаги Ҳазрати Имом (Хастимом) мажмуаси ва Ўзбек Миллий академик драма театрида бўлган.

Тожикистон халқ артисти Саидқул Билолов икки халқнинг тили бошқа-бошқа бўлса-да, дили, урф-одат ва анъаналари ўхшаш эканини, тарихи, маданият ва қадриятлари муштараклигини айтди.

Тадбирларнинг очилиш маросими бугун, 11 октябрь куни Алишер Навоий номидаги Ўзбекистон давлат академик катта театрида бўлиб ўтиши режалаштирилган.

Тадбир доирасида, шунингдек, Ўзбекистон тасвирий санъат галереясида тожикистонлик мўйқалам усталарининг ижод намуналари кўргазмаси, Алишер Навоий номидаги Миллий кутубхонада тожик шоир ва ёзувчилари китобларининг тақдимоти, адабий-бадиий учрашувлар, маданий тадбирлар ташкил этилади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Тошкентда Тожикистон маданияти кунлари бошланди