Сергелидаги кам таъминланган оилалар учун мўлжалланган кўп қаватли арзон уйларни тақсимлашда қонунбузарликлар аниқланган. Тошкент шаҳар прокуратураси расмий вакили Бобир Деҳқонов Ички ишлар бош бошқармасида бўлиб ўтган матбуот брифингида KUN.UZ мухбири сўровига шундай жавоб берди.
“Тошкент шаҳар прокуратураси органлари томонидан Сергели туманида кам таъминланган оилаларга янги қурилган хонадонларни топширишнинг ноқонунийлигини хусусидаги фактларни ўрганди. Мазкур жараён кенг қамровли бўлиб, кўп мутахассислар, малакали ходимлар жалб қилинди ва атрофлича ўрганилди. Ўрганиш вақтида қатор қонунбузарликлар аниқланди.
Жумладан уй-жойга муҳтож бўлмаган оилаларга уй-жойлар берилгани, комиссия ҳужжатларини сохталаштириш, кадастр хизматлари томонидан сохта ҳужжатлар тақдим қилиш, ёш оилалардан муҳтож бўлмаганларга уй ажратиш ҳолатларига дуч келинган. Шунингдек, жуда кўплаб фуқаролар ҳокимият идораларига мурожаат қилишган уй-жой масаласида. Уларнинг барчаси прокуратура идоралари томонидан ўрганиб чиқилди. Мазкур мурожаатларни кўриб чиқишда ҳам ҳокимият идоралари фуқаролар ва юридик шахсларнинг мурожаатлари тўғрисидаги қонунчилик меъёрларини бузганлиги аниқланди.
Ушбу уй-жойларни бериш тартиб қоидалари бўйича, махсус комиссия мурожаат қилувчининг аризасини ўрганади, ана шу тартиблар ҳам бузилгани маълум бўлди. Уй-жойларни етарли асосларсиз фуқароларга бериш ҳолатлари аниқланди. Бундан ташқари, фуқароларнинг ўзлари ҳам ҳужжатларни топширишда иш жойи, маошига доир маълумотларни сохталаштирганлиги юзага чиққан.
Юқоридагиларнинг барчаси билан боғлиқ ҳолатлар чуқур таҳлил қилиниб, 11 та жиноий иш қўзғатилди. Айни ушбу ишлар бўйича прокуратура органлари томонидан тергов ҳаракатлари олиб борилмоқда.
Ўзбекистон Республикаси Жиноят кодексининг 205-моддаси (хизмат мансабини суиистеъмол қилиш), 207-моддаси (хизмат вазифасига совуққонлик билан қараш), 209-моддаси (хизмат сохтакорлиги) ва 144-моддаси (юридик ва жисмоний шахсларнинг мурожаатларини қабул қилишда қонун талабларининг бузилиши ҳолатлари) бўйича тергов ҳаракатлари давом этмоқда”, - деди Бобир Деҳқонов. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Зенит” футболчиси Файзуллаев ҳақида нималар деди?
АҚШ Исроил билан тинчлик ўрнатишга рози бўлгандан кейингина Ар-Риёд билан шартнома тузади
АҚШ ва Япония гипертовушли қуролларни уриб тушириш учун ракета яратади
Украина бош вазири: “Россия уруш давомида Украинада 250 мингдан ортиқ турар жой биносини вайрон қилди”
Байден: “АҚШ бутун дунёда матбуот эркинлиги бўғилишига жавобан санкциялар жорий қилмоқчи”
Кеча Ўзбекистон олимпия терма жамоасига ғалаба учун нима етишмади?
5 май куни республика ҳудудида кузатиладиган об-ҳаво маълумотлари
АҚШ Украинага яна 50 млрд доллар ажратишни таклиф қилди
